السلام عليكم ورحمه الله وبركاته
اخواني الطاقم الادراري :
كيف الحال انشالله طيبين ؟
بخصوص المنتدى في بعض الملاحظات وياليت لو تتقبلوها مني ومن باقي الاعضاء لانها انشالله تساعد في تطوير ورقي المنتدى .
في بعض التعديلات وهذي مهمه ولازم تحاولون تعالجونها باسرع وقت
اول شي طريقه تسجيل الدخول انا اشوفها صعبه شوي يعني لازم الواحد اول مايدش عالطول يحصل مربع تسجيل الدخول يعني مب لازم يضغط على تسجيل الدخول وهالشي اظن انكم ملاحظينه تقريبا فكل المنتديات "
ثاني شي لازم العضو اذا دخل اي قسم يحصل تحت في نهايه الصفحه مربع ( اذهب ) واللي منه يقدر العضو يختار اي قسم يحب يروحله مب لازم يحط رجوع للصفحه اللي كان فيها
الشي الثالث :
لازم يكون في تثبيت لمواضيع الاعضاء الهامه يعني نفس اخوي ( سفير الباغوز بقطر ) جزاه الله الف خير انا ملاحظ انه حاط في اكثر من قسم ( قوانين وشروط) وهذي لازم تثبتونها وفي بعد اذا انا حطيت رد تجيني رساله (تم تسجيل مشاركتك بنجاح) وبعدين ينتقل للصفحه ، مايصير لازم اذا ارد عالطول يوصل الرد وتفتح عندي الصفحه ، عشان الواحد مايزهق ويصير مايرد عالمواضيع،
انا داري ان المنتدى جديد وبادين فيه شوي شوي وانشالله بمساعدتنا ووقفتنا معكم انا وباقي الاعضاء اخواني شوي شوي راح انطوره ونخليه من احسن واجمل المنتديات
واتمنى ماتاخذون كلامي من باب الأمر بالعكس هذي وجهة نظر وسببها خوفي وحرصي على رقي وتطوير المنتدى واعرفكم انشالله مب مقصرين واتمنى من اخواني الاعضاء طرح اي ملاحظه حتى لوكانت صغيره .
وســـــوري ع الأطـــاله ""
محبكــــــــــــــــــم :
البــقــعــــــــــــــــــــــــاني
