أبي ابكي

موضوع: أبي ابكي السبت مايو 29, 2010 6:55 pm

أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يكون لي خل وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكت ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني

موضوع: رد: أبي ابكي السبت مايو 29, 2010 11:24 pm

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني
كلمات رائعه وذوق جميل لاتحرمنا من جديدكـ خيوو تقبل مروري

موضوع: رد: أبي ابكي الأحد مايو 30, 2010 12:27 am

مشكور اخ العساس علئ الرد الرائع وانشاء الله اكون عند حسن ضنك

موضوع: رد: أبي ابكي الأحد مايو 30, 2010 4:56 am

إلامن خانني التعبير أبيه يكون لي لسان
أبي لامن سكت ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

كلمات رائعه وانتقاء اروع اخي الصقر
لاتحرمنا من جديدك
تقبل مروري المتواضع

موضوع: رد: أبي ابكي الأحد مايو 30, 2010 6:33 am

الله على الكلمات الرائعه

وعلى الاحساس الجميل

وعلى التعبير ومعانيهااا

الجميله والله انت ذوووق

تسلم ياغالي على ابداعك

والله لا يحرمنى من جديدك ابد

دمت في حفظ الرحمن