مليت الصبر ماتقنع الروح
ماعندي عذر من صار الفراك
لغيت اشتاكلك حتى اكدر انساك
ومن اذكر نسيتك ارجع اشتاك
عيني بغير شخصك ماتشوف العين
تشوف اشلون عيني وتفتقد شخصك
ولان نصك لغز داخت عباقر بي
عجز نصك حبيبي ايفسر بنصك
واظن رسمك عجز بيكاسو يرسم بي
لان ربي بجمالك اعتقد خصك
صرت اني خيالك حتى دوم وياك
والغاية الاهم حتى اكعد بصفك
والفك عالجرح مو غاية تشفيني
اريد الجرح ينزف بلكت يلفك
يل جفك سما والنجم بي سهران
الكمر اصبع تمنى يصير في جفك
وعرشك معجزة اتعدى عرش بلقيس
وسليمانك وجنه احتار في عرشك
ولان ثورة ارموشك دخلت التاريخ
نستسلم الك من ترمش أبرمشك
أخــــــــــــــــــــوكم الصقر الضامــــــــــــــــــــــي
