الصديق الوفي اختاره من تعاشر
والأول متأراد اكللك منتعاشر
كلها اصبحت ضدك من تعاشر
عاشرت الحزن غصبن عليه
\\\\\\\\\\\\\\\\\\\\\\\\\\\
جمعه انتة وصيرلك كسبتك
ونظرتك لو تصد مره كسبتك
سباني الدهر مره كسبتك
طحت والشامت ايعاين عليه
\\\\\\\\\\\\\\\\\\\\\\\\\\\
ابهل الدنيا يخلي صاحبت من
وعليك الكلب يصرخ بت من
بت من هاي كلي صاحبت من
تغامزلي وتشر با الثنين
\\\\\\\\\\\\\\\\\\\\\\\\\
دارمي
تسأل عليك الروح يل انت غايب
غبت وغببت وياك والكلب ذايب
\\\\\\\\\\\\\\\\\\\\\\\\\
دارمي
اغفى وادرو اعليك واصحه واشوفك
جرح انته بيه تعيش لازم ادوفة
\\\\\\\\\\\\\\\\\\\\\\\\\
ومضات
واحت ماي انتي وانه عطشان
وأخاف اشرب وما تقبل الواحه
لذلك قررت ما ضوكَه حد الموت
لوحتى العطش يطعني برماحه
\\\\\\\\\\\\\
رتك جف الي من كطعونب اجفون
ورتك سهم تعمي عيون عدواني
ما حسبت جفك ينكَلب سيف
ويكَطعني غفله اوصال خلاني
