منتديات مرسومي
نشيط

منتديات مرسومي

مرسومي وأفتخر
 
الرئيسيةالتسجيلدخول

شاطر | 
 

 لمن يحب انواع الشعر افراتي

اذهب الى الأسفل 
كاتب الموضوعرسالة
ابوعلاوي المرسومي
عضو مجلس الأدارة
عضو مجلس الأدارة


عدد المساهمات : 108
نقاط : 15727
السٌّمعَة : 1
العمر : 43
ذكر

مُساهمةموضوع: لمن يحب انواع الشعر افراتي   السبت يونيو 12, 2010 1:29 am

علية احجار هذا الحلو شمر
ابو شعر على المتنين شمر
سألت على العشيرة وكال شمر
خوالي وعزت الدنية علية
....................................
هواية اشياء بكلبي طم طمتهة
وعلية اتراب اخلي طم طمتهة
بدية اموت روحي وطم طمتهة
ولا لسان العدو يحجي علية
....................................


يفز كلبي بتوالي الليـــــــل ويروح
يمك يلي مليته همــــــــوم ويروح < جروح >
عشرتي وياك عشرة جسد وي روح
اذا تتركني اموت اشلون بيــــــــه


تركني بحالي لاميت ولاحي
وماضل شارع اسأل بيه ولا حي
وابد ماانساكم وانا حي
ويضل حبكم عزيز وغالي علية
..........................................
وحك التعبدة الناس واحد
حبيب الكلب مو اثنين واحد
اذا للقلب ردت اختار واحد
اختارك الك وانسة البقية
...................................
راحن مراسيلي لوليفي ولاجن
لاانسي تشبه اوصافة ولاجن
اسكر بحبك ترة لاابيرة ولاجن
حبيب الروح بس اسأل علية
.......................................
يمن بأروع خلق شخصك تحلة
عسن ايامك ياغالي تحلة
سؤال اسئل الك واجب تحلة
من هو الاعز من روحي الية؟
........................................
اثيابي من جمر نارك دولي
اجرحتني وماظن ينفع دوة لي
علية شبيك متكبر دولي
حبيبي انت شنو بالنسبة الية؟



هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
------------------------
عليك اشكد رجف كلبي وداري
ولجل عينك بعت ملكي وداري
أظنك تعلم بضيمي وداري
شكد احبك وانت تضحك عليه
----------------------------

ليش من اغمض العين رسمك يجيني
مدري انته رمش العين مدري انته عيني

----------------------------
اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه
---------------------
فصوص العين فص يمي وفص لك
يامن يوسف انت أصلك وفصلك
أخيطك بيدي تدريني وفصلك
واجيبك فيت يلترهم عليه
--------------------------
أحلى مابيك ومن صفاتك وصلك
أروح وياك للشمس لو تريد أوصلك
ولو تصير بآخر العالم على رموشي زحف أوصلك
ميت وبشوفتك ترد الروح بيه
--------------------------------------

احبك حب ابد مامر على الناس وماصدك يحب مثلي شخص ثاني
واذا الي يحب يصبح صدك مجنون وانا مجنون رسمي ودمعي عنواني
احبك والله احبك احبك حب يسري بدمي بالشريان فرحني شهر وسنين بجاني
-----------------------------------
اذا امرض سبب علتي محبتك هاي واذا اشفه غرامك هوه شافاني
واذا اشوفك اكول الف الشكر الى الله انا كل ماتمنيته ربي انطاني
----------------------------
قدر مكتبو حبك من تقسمه
والواحد ماله ناتج من تقسمه
لون بسيوف گلبي من تقسمه
وتشوف محبتك شمسويه بيـــــــ9

---------------------
كلبي شما اطشره يرد صامت
وروحي من حزنهه عليك صامت
شما اخلي الجهاز بوضع صامت
يصرخ من تدك انت عليــــــــــــه

------------------------
اتمنى قلبج يوم يوگع بديه ... وأقفل عليه الباب واشبعه اذيه
-----------------------
مو بالقلب بالروح رايد اخليك *** واكتب خطر ممنوع محد يمر بيك
------------------------------------
أنا أديت العلي بس انت شأديت
وعلية حروب وي دنياي شديت
طحت إكبال عينك وصلة شديت
وهجع وسفة كمت تركص علية00
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية..
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ

يروح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية
////////////////////////////////////////////////////
كلبي كثر وناته ولم بيه
وراسي من الفكر يصدع والم بيه
صرت صحن الكلب انت وlnb
الاشارة اتروح من تبعد عليه
---------------------------


الوادم حجيت من شفت ولامت
وحبك ساكن بروحي ولامت (ولا مات)
اكول اصبر والي الله ولامت (الى متى)
اصبر والصبر ماله رجيه
÷÷÷÷÷÷÷÷÷÷÷÷÷÷÷÷
ابد ما صطبيلك ونتبه لك
وحذر حيل مني وانتبه لك
اته باهلي ازامط ونتبه لك
واذا اهلك زلم هدهم عليه
++++++++++++++
بحجيك ليش بس وياي شطيت
نطيك دمع عيني تكول شطيت
انه بدمع العيون اشطوط شطيت
وصب دجله وفرات بين اديه
&&&&&&&&&&&&
زوج اطيور حبنه صفن بس تك
وصرنه للشماته علج بس تك (بستج)
ما ادري شجاني وكمت بس تك
اعذرني عالجرالك موبديه
*****************
صرت للدهر صكله ونته لاكه
وفرح مالاك اليه ونته لاكه
يريت الوكت يفتر ونتلاكه
احضنك والحضن موساداليه
***********8******
العشك كاروكه يمه لوله بيه
وفرني شلون فرة لولبيه
احبه وحبها خله لوله بيه
ارجف لون طاري الحب مرعليه
÷÷÷÷÷÷÷÷÷÷÷÷÷
ورد قداح اهديلك وجوري
وريدن ضمي احجيلك وجوري
موجر والعشك كمل وجوري
وشبه بركان حبك صاربيه
÷÷÷÷÷÷÷÷÷÷÷÷÷÷
التعب والضيم جنبي الراحه جنبك
اشتضن من نار كلبي راح جنبك
عشك العقل خلص راح جنبك
واموت بعشرتك وابليك بيه
÷÷÷÷÷÷÷÷÷÷÷÷÷÷÷÷÷
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المكان نذب سويه
××××××××××××××
نخيت اجفوف اديه من تخلي
واسالت الزمن بعدي من تخلي
يصاحب ليش تغدر من تخلي
كضيت وياك عمري وخنت بيه
ٍٍٍٍٍٍٍٍٍٍٍٍٍٍٍٍ


صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه

---------------------------------
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

---------------------------------
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه

--------------------------------
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه

----------------------------------
وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه

---------------------------------
تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه

-----------------------------------
زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه

----------------------------
أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه

---------------------------------
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه

---------------------------------
حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه

----------------------------------
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه

---------------------------------
بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه

----------------------------------
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

---------------------------------
صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه

-----------------------------------
كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه

------------------------------------
روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

--------------------------------------
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

-------------------------------
الدهر ياصح بالفركه ولانه
ولانوبه انكسر كلبي ولانه
لاانت عرفت الحب ولانه

--------------------------------
نسينه الشوك وخلفنه وعدنا
وعلى الهجران ردينا وعدنا
هذا من الوكت والحب وعدنا

-------------------------------
يفربيه الوكت نوبه وفربي
ومن ثلج العمر دربي وفربي
اشرد وين انه بكلبي وفر بي

----------------------------------
بدرب مسدود ومتيه محله
دموعي جم ذنب قلبك محله
بعد طير بضباب ابدا محله
ولاظن بعد نتلاكه سويه
÷÷÷÷÷÷÷÷÷÷÷÷÷÷÷÷÷÷÷÷
العشك منه استراحينه وهدنه
واخذنه من الدمع راحه وهدنه
يحلو الطول فك ياخه وهدنه
عجزة من الهوى ونارة سريه
÷÷÷÷÷÷÷÷÷÷÷÷÷÷
طحتلي بناس عكبك فطراني
نهر يابس وهجرك فطراني
صوتك وانه صايم فطراني
من شوفن صورتك شيصير بيه

--------------------------------

حبيبي اشلون عنده اعيون فله
وشعرا الراس عن ايدي فله
تمنيت انه اوياه فرد فله
واشوفه الغرام اشعمل بيه

--------------------------
نخيت اجفوف اديه من تخلي
واسألت الزمن بعدي من تخلي
ويصاحب لش تغدر من تخلي
كضيت اويك عمري وهاي هايه
------------------------

الرجوع الى أعلى الصفحة اذهب الى الأسفل
ابو نجم
نائب المدير العام
نائب المدير العام


عدد المساهمات : 589
نقاط : 17271
السٌّمعَة : 1
ذكر

مُساهمةموضوع: رد: لمن يحب انواع الشعر افراتي   السبت يونيو 12, 2010 2:10 am

دائما تذهلنا بجديدك اخي ابو علاوي
لسنا بمستغربين بأبداعك
لاتحرمنا من تلك الراوئع الذي يخطه قلمك الراقي
لك ودي وعبير وردي
الرجوع الى أعلى الصفحة اذهب الى الأسفل
ابوعلاوي المرسومي
عضو مجلس الأدارة
عضو مجلس الأدارة


عدد المساهمات : 108
نقاط : 15727
السٌّمعَة : 1
العمر : 43
ذكر

مُساهمةموضوع: رد: لمن يحب انواع الشعر افراتي   الأحد يونيو 13, 2010 11:09 pm

مشاركتي ازدادت ثراء بمروركم الكريم
الرجوع الى أعلى الصفحة اذهب الى الأسفل
الأمـيـر
عضو مجلس الأدارة
عضو مجلس الأدارة
avatar

عدد المساهمات : 196
نقاط : 15864
السٌّمعَة : 0
ذكر

مُساهمةموضوع: رد: لمن يحب انواع الشعر افراتي   الأحد يونيو 13, 2010 11:58 pm

يساكي العسل ليش وياي بس مر
وعلى كلبي من فركاك بس مر

يبو علاوي
قصر ابنيلك من كاس بس مر
تدري بشوفتك وصفه اليه...
اهداء للغالي ابو علاوي
مشكور ابو علاوي على الكلمات الرائعة كروعة وجودك
لا تحرمنا جديدك
تقبل مروري المتواضع
الرجوع الى أعلى الصفحة اذهب الى الأسفل
ابوعلاوي المرسومي
عضو مجلس الأدارة
عضو مجلس الأدارة


عدد المساهمات : 108
نقاط : 15727
السٌّمعَة : 1
العمر : 43
ذكر

مُساهمةموضوع: رد: لمن يحب انواع الشعر افراتي   الإثنين يونيو 14, 2010 12:11 am

rabic]مو بيدي يلمحبوب اشكيلك الحال
روح وتلوب عليك ودموعي تنهال

0000اشكر مرورك يامتذوق الشعر الشعبي00ه
29][/size]
الرجوع الى أعلى الصفحة اذهب الى الأسفل
البـقعــاني
مشرف الفلاشات و التصاميم
مشرف الفلاشات و التصاميم
avatar

عدد المساهمات : 185
نقاط : 15752
السٌّمعَة : 0
العمر : 34
ذكر

مُساهمةموضوع: رد: لمن يحب انواع الشعر افراتي   الثلاثاء يونيو 15, 2010 7:13 pm

شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه




لاتعليق يابوعلاوي لاتعليق دوم كبير

_________________
فل الحجـاج وخـل عنـك الهواجيــس .... كـلن يمـوت وحاجتــه ماقضاهـا
[url][/url][img][/img]
الرجوع الى أعلى الصفحة اذهب الى الأسفل
ابوعلاوي المرسومي
عضو مجلس الأدارة
عضو مجلس الأدارة


عدد المساهمات : 108
نقاط : 15727
السٌّمعَة : 1
العمر : 43
ذكر

مُساهمةموضوع: رد: لمن يحب انواع الشعر افراتي   الخميس يونيو 17, 2010 4:00 pm

يروح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية


الك يالبقعاني يالخطير
اشكر مرورك

الرجوع الى أعلى الصفحة اذهب الى الأسفل
 
لمن يحب انواع الشعر افراتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسومي :: //المنتديات الأدبيه// :: الشعر والخواطر-
انتقل الى: