دارميات محشش

من كثر ما مشتاك يمكن انجنيت...اكل بصل مثروم حسبالي جكليت
..................

الدهر صاير چاي والدنيا قوري ... ليش اليحب ياهواي ينضرب بوري
...............

لمن اشوف هواي يخدر شعوري ... خدرت بالفانوس حسبالي قوري
...............

شوفو زماني شلون من يأذي يأذي..... خلاني شجرة موز بين الشواذي
................

وين البخت يفلان وتكلي مبخوت ... صرت اشتغل دفان محد رضى يموت
.................

زين البخت وياك واصل لهل حد ... احفر كبر للمات كالو عدل رد
................

كَالوا بعد سنتين ونوزع بيوت ... تاليها حتى المات ما عنده تابوت
..............

فيتر صرت يا ناس والعيشه كشره... وين اليضب الروح بسبانه عشرة
.................

من كثر ما مشتاك خبلت نفسي... اشرب نفط بالكوب حسبالي ببسي
...................

من كثر ما مشتاك صرت اني مخبول... اتفرج الاخبار حسبالي كعبول
...............

من كثر مامشتاق وحبك بنفسي ... وكفت الامريكان حسبالي تكسي
.................

احول حبيب الروح اثول ومطفي لاكاني عين بعين باس الي بصفي
....................

اطبخ وافكر بيك يا حلو العيون بالمركة اخبط جاي حسبالي معجون
....................

ليش الرساله وياي عندك خسارة ماظن خمس سنتات يبنن عمارة
......................

كون انگلب سنتات وابقى برصيدك من تغازل الحلوات اطفر واصيدك
.........................

عود انة مثل الناس هم عندي بطة...راحت تغط بالماي والغطة غطة
..................

اريد احفر التبليط و ازرع بتيتة ليش اليحب حلوين ينهجم بيته
..............

اليكولك اني انساك كله انت اعمه و انزله دك كلات كسرله خشمه
...................

هجم بيت العين هلكد وكيحه كلما يمر حليو تكلي صيحه
...............

يكفي حبيب الروح يكفي بواري...أسست نص بغداد مي ومجاري
..........

كتلك تفضل فوت كل قصدي للبيت شمالك دفرت الباب وبقلبي طبيت