السلام عليكم ورحمة الله وبركاته
( شي ينترقع وشي ماينترقع )
.
سوف أروي لكم قصة هذا المثل باللهجه البدويه البحته
كان فيه اثنين واحد كذاب أواحد يرقع له خطروا عند أحد رجال البادية وكان عنده مجموعه
من الجيران في مجلسه , حيا بالضيوف وعند ما جلسوا ,
سألوهم منين جايين وش علومكم قال الكذاب والله حنا جايين من ديره بعيد ويوم جينا مع جنب ها كالوادي اليا
نسمع صوت كلب ينبح في الهوى ,
قالوا الحاضرين كلب ينبح فالهوى كيف هذا ؟
غمزلخويّه اليّ يرقع له قال خويّه ياجماعه كان فيه جيفة شاه ميته وجاء الكلب ودخل
فيها وجاء العقاب وطار بها وكان الكلب موجود فيها وصار ينبح في الهوى داخل جيفة
الشاه ,
قالوا الحاضرين طيب , واصل الكذاب يقص عليهم ,
قال يوم جينا واليا فيه غزال
واقف تحت أشجره واليا ما معنا الارصاصه واحده ونرميه بها وتكسر يده وتكسر قرنه
وتّسد عينه ,
قالوا الحاضرين كيف تكسر يده تحت وتكسر قرنه فوق وتسد عينه وهي
رصاصه وحده غمز لخويّه وقال رقع قال خويّه ياجماعه يوم رمينا الغزال كان يحك يده
بقرنه وكسرت قرنه ويده وسدت عينه نظم ورى بعض ,
قالوا واصل قال يوم جات صلاة
الظهر كد تعبنا والشمس حارّه واليا مافيه اشجار ولاشي نستظل تحته واليا فيه غدير
ماء قال ونرفع الغدير بالعمدان ونستظل تحته لين جاء العصر, قالوا الحاضرين رفعتوا
الغدير بالعمدان وقيلتو تحته ,
قال لخويّه رقع قال شيّ ينترقع وشيّ ما ينترقع 0
عسى أن تكون القصه نالت اعجابكم
0 ودمتم سالمين
