منتديات مرسومي
نشيط

منتديات مرسومي

مرسومي وأفتخر
 
الرئيسيةالتسجيلدخول

شاطر | 
 

 هل تعرف البربور

اذهب الى الأسفل 
كاتب الموضوعرسالة
الطنطور
كبار الشخصيات
كبار الشخصيات


عدد المساهمات : 37
نقاط : 14825
السٌّمعَة : 0
ذكر

مُساهمةموضوع: هل تعرف البربور   السبت سبتمبر 25, 2010 5:54 am

هل تعرف ماهو البربور ؟؟؟؟؟؟؟؟؟؟؟؟؟؟؟
اجب بلا او نعم,,,,,,,,,,,
ان كانت اجابتك بنعم ارجو ان تخبرنا ,,كيف تتم عملية البربور؟؟؟؟؟؟؟؟؟؟
وان كانت اجابتك بلا فانت لست اولهم وتابع معنا,,,,,,,,,

جلست ومعى ابنائى ربنا يخلى لكم ابناؤكم واخوانكم وجميع اهلكم على صفرة الغداء , كانت تتكون من صحن من السلطة وصحن كبير عليه كسرة وملاح (بيجى اللون مع نقاط حمراء ذهبية ,بصل مكشن)وبالجانب ملاحة بها ملح وشطة وهى التى لاتغيب عن سفرتي واخال سفرة كل اهلنا الجعليين, سألت الاولاد هل تعرفون ملاح البربور
قال احدهم : ايوة مووش الملاح الاخضر داك؟؟؟؟
قال الاخر : لا لا هو ملاح البامية المفروكة مووش صاح؟؟؟؟؟؟

الاخرين قالوا لم نسمع به!!!!!!!!!!!!!

فقلت لهم كلكم خطأ ملاح البربور هو هذا الملاح البيجى والذى امامكم بتلغفوا فيه,,,
قال الجميع والله لذيذ جدا ,,, ولكن مصنوع من شنو ؟؟؟؟؟ يعنى خضار شنو؟؟؟؟؟

وهنا وقفت واعرف تماما انه من الفاصوليا ولكن يتعمل كيف والاضافات شنو ؟؟ دى انا ما عارفها !!!! يعنى وبالواضح كدى ما أدونا ليها!!!!!!!!!!

صحت يام طنطورة ,,يا ام طنطورة عليكى الله تعالى واشرحى للاولاد ديل ما هو ملاح البربور وكيف يعملو ؟؟؟؟ وكان المفروض تديهم مقدمة قبل ما تقدمى لهم حاجات بيجية زي دى,,
وبعد ان عملت شرح وافى وكافى والجميع مسطح , قلت لها عليك الله تشرحى عمل البربور لاخينا وايل ابوزياد,,
وايل من الناس القلائل الذين بيعرفوا يطبخو ,,,والله يعمل لك ملاح سلج تقطع صباعك وراهو ويعمل ليك ملاح تقلية
تقول تدريب طنطورة بت الطنطور (حماها الله),,,والله اقول ليكم حكاية يمكن ماتصدقوا دى بيعرف يعمل (كعك بلدى) يعنى البشبه عجل العربية لكن باللون البنى,,,,
والاخ وايل(الناظر) هو سندى فى الازمات وهو ملازى فى غربتى وهو الذى يقوم بالاعاشة والكفالة حتى رجوع اولادى من السودان وما حصل وانا معه( بيته القوى) وهذه لها عودة فى وقت اخر وملاح آخر,,,,,,,
نرجع لملاح البربور والله نحن طيلة الاجازات المدرسية السابقة ومعى الاخ يحي عبدالرحيم نحن كل عشرة يوم بالتمام والكمال لازم نأكل ملاح البربور من يد اختنا وخالتنا ووالدتنا رابحة بت البشير ربنا يرحمها ويغفر لها,,فهى الذّ من يعمل ملاح البربور ومنذ وفاتها لم اتذوق البربور الا هذه المرة والله انا ذاتى قايل ام طنطورة ماسمعت بهذا البربور ,,, خلاص والله انا نويت ازرع البرب.......اقصد الفاصوليا فى البيت,,, انا جنى بربور وملاحى المفضل
البربور ولكنى اكره فرفور,,,,,(ما يسمع ابو عروة ويلقبنى بخيت بربور)

وبالهناء والشفاء والى مائدة اخرى وملاح اخر ,,,, ولا يفوتنى ان اقول ان ملاح البربور يؤكل حارا وفى وجبة الغداء فقط

ومع السلامة,,,,,,,,,,,,,,,اخوكم الطنطور في قضية البربور
الرجوع الى أعلى الصفحة اذهب الى الأسفل
الشيخ المرسومي
كبار الشخصيات
كبار الشخصيات
avatar

عدد المساهمات : 161
نقاط : 15712
السٌّمعَة : 6
ذكر

مُساهمةموضوع: رد: هل تعرف البربور   السبت سبتمبر 25, 2010 7:22 am

ابو الطنطورة

عليك الله يازول ازا مره تانية تاكل ملاح البربور تطرش لي
ولا أدق جرس

ولو اني متكاسل ارد ( نايم ويتكلم )


اي يا زول ما تنسى
الرجوع الى أعلى الصفحة اذهب الى الأسفل
 
هل تعرف البربور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرسومي :: //المنتديات الأداريه// :: أستراحة الأعضاء-
انتقل الى: