دارميات جميله قراتها فاعجبتني

• كون افترج ولكاك اتنوشك ايدي
وظفر الكصيبه وياك اظفر وريدي

• هم ينحل شما طال ظفر الكصيبه
اليحب ينطي الروح كله لحبيبه

• يا حبي يا اغلى الناس شو ماكو انته
حته السمج بالماي عنك سألته.

• لا أكدر أحجي عليك ولا أكدر أسبك
بعد الجرى والصار لا تقولي أحبك

• بيدي انا اودي الروح وانطيها لهواي
وانطيلة كلي النوب لو مارضة بهاي

• روحي بسرير الموت وتقول اريدك
ماتقبل بدكتور بس لمسة ايدك

• الخوة منبع طيب و انتة من اهلهة
و اليزرع الطيبات يحصد مثلهة

• بغدادي وعيونه وساع حلوة و كحيلة
شلون اوصلك يهواي شنهو الوسيلة

• سالوني منهو ذاك قلت لهم هواي
شنهو العلامة البيه؟ رف قلبي وجلاي

• خاف الله يالمريت ما كلمتني
ليتك حجيت أوياي لو وادعتني

• الفركه عنك نار تحركني بساع
كلساع اشيل الروح وركعها بالكاع

• صابرله سبع سنين متعجب ايوب
وانه العمر صبريت وطلعت مطلوب

• صبري وصبر ايوب ما ظن سويه
لو يدري بيه ايوب يلطم عليه

• يعرفني التاريخ تشهدلي الاعوام
هاذانه ابن ذي قار والاصل حجام

• طبيب انته وعندك دواي
مسج صغيرون لاتكتب هواي

• الجنة و انت بعيد ما مر عليهه
للنار اطب ملهوف لو انت بيهه

• مالي شغل بالسوك مريت اشوفك
عطشان سبع سنين اروه اعله شوفك

• مشتاگة روحي اليوم تسمع حجيكم
و اعضامي كله اتنوح تسال عليكم

• رضرض جميع اعضاي مرخص عليها
بس لاتمر بالروح لان انت بيها

• صاير طبع بهواي من أكعد يكوم
اسود قلب وياي بس ابيض هدوم

• دربك عليه بعيد وتريدك الروح
والكلمه بالمرسال ماتشفي الجروح

• باليل ادك عليك واكطع منامك
موبيدي روحي تريد تسمع كلامك

• أتمنى روحي بكاس وانزل على شفاك
وبحجه العطشان وأتباوس وياك

• قلت تفضل فوت كل قصدي للبيت
شمالك دفرت الباب وبقلبي دشيت

• كلش عزيزة الروح تدري أنت عنه
بس الك فدوة تروح انت أعز منه

• خلي روحك بعز دوم ها بالك تذلها
ولاتطلب الحاجات حتى من اهلها

• ليش الفرح لحظات والهم ليالي
هو الفرح ممنوع لو سعره غالي

• ليش انت هيجي وياي تجرحني دومك
تدريني احبك حيل من خرب يومك

• القلب لو ينساك للسوك اجيبه
واكتب عليه للبيع خاين حبيبه

• كلما يصير الليل يطرن احزانك ..
عين العمه ولاشوف خالي مجانك

• مانمت ربع الليل نشدوا المخده ...
والدمع اصبح سيل للركبه حده

• ياربي ليله ويوم بدل عليه
من گتله احبك حيل صارت قضيه

• كلشي التريده انطيت خل تسمع الناس
حته القلب وياك شغلته علاس

دارميات جميله قراتها فاعجبتني User_offline

[url=https://mrsome.yoo7.com/javascript:wog_qq('68265','جنان البستاني')] دارميات جميله قراتها فاعجبتني Quickquote

[/url]

مشكور اخي ابو علاوي على الدارميات الرائعه
بارك الله فيك ولاتحرمنا من روائع قلمك الذي اعطى المنتدى
طابع خاص
واهديلك الدارمي
لشخصك المتألق
تدري شجرى بجفــــــــــــــاك صارلـــــــــــــــي علـــــــــــه
القـــــــــــــــلب لــــــــــك مشــــــــــــــــــــتاك بكد رحمت اللـــــــــــــه
تقبل مروري المتواضع

عد وانه اعد وياك ياهو اكثر اهموم

من عمري خمس اسنين وقليبي مهموم
تحياتي الك وبارك الله فيك

اشكر مرورك الكريم اخي ابونجم
واسمحلي اردلك التحيه بدارمي بسيط
من كثر مومشتاق وينرادلي جيه
اشرت للامريكان حسبالي كيه

• خاف الله يالمريت ما كلمتني
ليتك حجيت أوياي لو وادعتني

الله عليك يابوعلاوي مبدع دوم

تفبل مروري يالذيب وكثرلنا من هالسوالف دارميات جميله قراتها فاعجبتني Icon_cheers

اشكر مرورك اللطيف اخي العساس وارجو قبول هذا الدارمي
دايخ وافكر بيك وعن بالي ماترووح
امشي ودعمت الباب حسبالي مفتوح

دق دقتين رداف قلبي وسكت ليش؟؟
هم وقهر وفراق طاحن له تفليش

اشكر مرورك يخوي البقعاني يالاصيل

للصبح حده وياي روحي وتهدني
اوصلي قبل بساع كونك تودني
تقبل مروري

تشرفت بمرورك يالصقر الضامي وتحياتي الك

زفو حبيب الروح وي جيت الغروب
ولحقت عالثوب ولبسته مقلووب

أبداع

مااعجبك يعجبنا
تحياتي لك ابوعلاوي

اعتز بمرورك الكريم يالبرنس
واهديك هالدارمي الك خاص
تدري شوكت انساك وبخاطري تهون
من تلقى جسمي هناك بالقبر مدفون

» دارميات محشش
» دارميات روعه
» دارميات رومنسية
» احلى دارميات
» ابوذيات جميله