مقتطفات لعمالقة الادب الفراتي

بنار الهجر صدك مايعاني
ونشف من كثر دمعي مايعاني
تريد تشوف كلبي ومايعاني
مد ايدك جهنم تلكه بيه

((الشاعرمحمد رحيمه ))

ظل غامض سؤالي وياك منحل
وجسمي من السهر ياليل منحل
وحياتك صرت بين الناس منحل
العسل حصتك وانه اللسعات اليه

((الشاعر كاظم الكاطع ))

عتب للي يعرف العتب وديت
ولك من دون كل الخلك وديت
علامك ياجرح خزنت وديت
كصوا بيك الربع وكصيت بيه

((الشاعر رحيم المالكي))

طبعك مو شجي وكتلك شجي أني
شجنيت وياك متكلي شجاني
كبل جنت انحضن وانشم شجاني
كنفذ والحضن حسره عليه

((الشاعر سمير صبيح))

سواد العين عكبك سالمني
وعذولي من المكابر سالمني
جفوف هواي بعدك سالمني
لهسه ونار جفك بين اديه

((الشاعر صباح الهلالي ))

الدمع غرك اخدودي منتجاره
وتجاره الحب تكلي منتجاره
عليه اشبيج رحمي منتي جاره
وآنه جارج والله موصي بيه

((الشاعر حيدر الساعدي ))


تحيات