بحر الدارمي العراقي

border=0]

هاك استكانة جاي أشرب عوافــي
أو دزيته لك مخصوص يامايه صافي

رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

كل ما يجي الليل أذكر وفــــاكم
واذكر محاشي الطيب وابجي أبرهاكم

ويا النجم سهران وايدي أعلى خــدي
الليل أوظلام الليل شو كلها ضـــدي

وحدي ابنص الليل بس حيرتي أوياي
أبجي أعلى وقت الراح واتنطر الجاي

إشما تقول الناس عندي أنته لول
سو كلشي بالدلال يالحلو مخـول

يالتون تالي الليل سمعني حسك
لولا القلت والقال لعبر وونسك

شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته

انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص

لاتهتم على الراح وي همك الراح
والعالي مو بالطول بالصبر ينلاح

اشمالك يبعد الروح لونك تغــير
عندي خوات أهواي طب أوتخير

يسألني البطران حالك إشلونــه
الغاضب الله إعليه هم ينشدوونـه

جاشلي بالخوان والماينفعـــــون
عود أمن اموت أيجون ويا اليشيعون

عبالي طيب زاد واعطيتك اعيون
تالي توج النار ويا اليكرهـــون

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي

علمني عالنسيان ارد انسى ضيمـــــك
وي غيري قمره اتصير بس حصتي ضيمك

سبحان امن خلاك تقسي ابغرامك
جانك اتداوي اجروح رقت كلامك

اوقف يبعد الروح اوياك الحســـاب
سَافر أو جرحي اينوح ليهسى ماطاب

هامسى أوها مصباح باجر يشيلـون
اورجليا شالت طيب من دمع العيون

الدنيا بس وياي شـدت عـــداوه
ولا واحد إمن الناس لجروحي داوه

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

حـط باللبن تيــزاب مجبـور أشربـه
بس لا أشوفك يوم تمشي وي غربـــه

يسألني البطران ليش وجهك اصفر
مايدري على المحبوب قلبي تفط

][/size]

لو غبت عني الروح احسبها شده
واحرق ابدمع العين حتى المخده

الله الله على هالأبداع يابو علاوي
اشكرك من اعماق قلبي على جهودك الرائع
سجل مروري واعجابي الشديد

c][size=25]حرموا علي ملكاك منعوني اشوفك
لا وحك الله الفوك لاتضن اعوفك

هذا اهداء خاص الك يالامير00,size]

تسلم على الاهداء يابو علاوي

حـط باللبن تيــزاب مجبـور أشربـه
بس لا أشوفك يوم تمشي وي غربه
دائما تذهلنا بجديدك اخي ابو علاوي
تقبل مروري لسمو شخصك
لك ودي وباقات وردي

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

هالله هالله بحر الدارمي العراقي Icon_cool

سنايدي يابوعلاوي

لاهنت عالطرح المميز

شايف قلب يعقوب من ضيع أبنه
هذا أنا قلبي عليك صدكني حزنه
لاتحرمنا من مواضيعك اخي ابو علاوي
اخوك ابو حمزه الجبوري

يمن بأروع خلق شخصك تحلة
عسن ايامك ياغالي تحلة
سؤال اسئل الك واجب تحلة
من هو الاعز من روحي الية؟
........................................
اشكر مرورك يبونجم واشكر توصلك

هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية

تواصلك اتحف مشاركاتي يالبقعاني يالخطير

هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية

الك يابوحمزه