بعـت الغنـم بالـزّمـر ولي ياني مغيّــر بزيـده لبعيّــر.

؟؟؟
؟

السلام عليكم ورحمة الله وبركاته

!!
(( بعـت الغنـم بالـزّمـر ولي ياني مغيّــر بزيـده لبعيّــر ))

هذا المثل له قصه بذكرها وينقال في الشخص اللي يضيع كل

اللي عنده من فلوس او ممتلكات او غيره بسبب عدم تفكيره او

استهتاره او بلادته ..

قصة هذا المثل في راعي عنده غنم وعنده بعد الله
يسلمكم

ابعير وهو شخص بليد ..

فيوم من الايام وهو طالع يرعى سمع زمر يعني واحد جالس

يعزف على هالمزمار وعيبه ..

فسار لين ما وصل عند مكان الصوت وحصل هالرجال اللي جالس

يزمر ..

السلام عليكم ..

وعليكم السلام ..

قال شو هذا الي بيدك ..

قاله هذا يسمونه زمر ..

قال الراعي الحين هالصوت كله يطلع منه ..

قاله هذاك اي هالصوت كله منه ..

فمن غباء الراعي قاله اشرايك اعطيك هالغنم
وتعطيني

هالزمر ..

هذاك نزلت عليه من السما قاله ابشر ..

خذ الراعي الزمر وقش هذاك الهووش وروح ..

يوم أجى الراعي يريد يعزف ما عرف فتم يغني ..

بعت الزمر بالغنم

واذا ياني ..

مغيّر يعني ما كفــّـنه الهوش يعني مغير رايه ..

بعدني بزيده لبعير اللي باقي عندي ..

الغباء والبلاده واصله حدها فيه بس وكثيرين الي مثله في هالزمن

اللي يضيعون اموالهم في اللي

ما يسوى وبدون تفكير ..

وان شاء الله تعجبكم قصة هالمثل

والسموحه ع القصور

دمتم بوود

ابداع لامتناهي اخي ابو عبود
اتحفتنا بما هو جديد
لاتحرمنا رحيق قلمك
تقبل مروري
اخوك ابو نجم

ابو نجم كتب:: ابداع لامتناهي اخي ابو عبود
اتحفتنا بما هو جديد
لاتحرمنا رحيق قلمك
تقبل مروري
اخوك ابو نجم

[ندعوك للتسجيل في المنتدى أو التعريف بنفسك لمعاينة هذه الصورة]

تسلم يداك مثل رائع والقصه أروع

وهذه فيها حكمه الله يعطيك العافيه

ما قصرت ننتظر منك المزيد

مشكور اخوي موضوع حلو