ابوذياااااات لعيون ابونجم

دمع واحزان حبك هيج اذاني

والك مجبور اكضلك هيج اذاني

تدري من اصلي هيج اذاني

اشهد اني احبك مو بدية

وحك شفتين محبوبي وسنة
وعلى حالي بجت شيعة وسنة
اسل سيف النحارب بيه وسنة
وحارب كلمن يبعدك علية

لك من تجي اوكف منحني اني
وحنان لكلبك اعصر من حناني
تعال وشوف بعدك من حناني
الدمع يوم الرحت حناها اديه

قفل حبك بكلبي سكراني
وماي السان حلكك سكراني
ابشرك صار بيه سكر اني
حلاة شفايفك عمن عليه

مشكور اخي ابو حسين على ماسطرت ابو ذيات روعه

واهديك انا بعد ابوذيات لائقه بمقامك الموقر
نفس ونريد شمـك ياهوانا
العمر ذله ابغيابك ياهوانه
أتيه الروح يمــك ياهوأنة ؟
خيالك مرهم ودلاها لية

جمالك زاد عن يوســف وقبله
وحبك صار لي منــــــبر وقبله
أمر أعلى الصخر اني وقبله
لأن قلبك صخر مـــــاحن عليه

حبيبي شلونك بهجري وانه بعيد
لجلك البس السود وانه بعيد
كتله حيل احبنك ونب عيد
اكرر والصده يرجع عليه

احبك ما أحب عالارض سواك
سبحان الذي من طــــــــين سواك
بشر لكـــنه ويـــة الگمر ســـاواك
واحد فوق واحد بــــــــــين ايديه

احبك واعتذر منك وناسف
جمال بروحك امغربل وناسف
احط بروحي تي ان تي وناسف
وافجر روحي اذا تزعل عليه